|
Agirbest Xera Nabe,
Tişta Çêbibe Ji Hev Qetiyan e
 Ev
pêkanînên ku liser Reberê Gele Kurd
Abdullal Ocalan û operasyonên tên
meşandin tê wateya vala derxistina
agirbestê û pêwîste bi awaye kî lez
agirbest berçava re were derbazkirin.
Agirbest êdî xera nabe, tişta pêk bê
ji Tirkiyeyê veqetiyane. heke
çareseriya demokratîk pêşnekeve dê
gelê kurd hêviyên xwe ji Tirkiyeyê
bibire.
Me ji salên 90’ê û virde li ser
bingehê bi hev re bûneke azad
çareseriya pirsgirêka kurd esas
girtî ye. Serokatiya me ji bo ku
pirsgirêka kurd li ser bingehên
biratiya gelan û çareseriyeke
demokratîk hewl da ye. Me gelek
caran agirbestên yek alî îlan kirin.
Li ser bingehê heqdayîna mafên çandî
yên gelê kurd ji bo yekîtiya
Tirkiyeyê me helwest girt. Ji 90’ê û
virde ne ji bo cûdabûnê ji bo
yekîtiyê em têkoşiyan û hewldanên me
çêbûn. Serokatiya me di 1’ê Îlona
98’ê de banga agirbesteke yek alî
kir, tevgera me agirbest pêk anî, lê,
bi rastî qomploya Navneteweyî hatin.
Her çiqas Rêberê Gelê Kurd Abdullah
Ocalan hatibe dîlgirtin jî Tevgera
Azadiya Gelê Kurd bi hemleya 1’ê
pûşpara 2004’ê nîşandaye ku wekî gel
ji bo azadiya xwe û şerefa xwe heta
dawî dê bikaribin şer bikin. Tevgera
Apocî operasyonên arteşa tirk ên li
tevî teknolojiya herî dawî vala
derxistine, lê dîsa jî pêvajoyekî bi
pevçûn tê lidarxistin. Di vî
pêvajoyî de tevgera me pêşketin
nîşan da. Şerê xwe parastina rewa ji
nûve tevgera me li hev civand. Di
demê pêşketina tevgera me de hin
derdoran daxwaza agirbestê ji me
kir. Rêber Apo ev bang li berçav
girtin û banga agirbestê kir û li
ser vî bingehî hêzên me ji 1’ê
kewçerê şunde vekişiyan rewşa
agirbestê. Lê belê der dorên rantxur
û aliyên pêbawer ku qaşo me bi zora
çekê ji holê rabikin êrişên xwe
zêdekirine.
Her kes dizane ku bêdengkirina çekan
û xwe vekişandina hêzên me ya rewşa
agirbestê bi banga Rêber Apo pêkan
bû ye. Serokatiya me ji bo peyamên
wî yên vî pêvajo zêdetir kûr û
mayînde bike tê tewambarkirin û
cezakirin. Her wekî bêjin ‘tu çima
agirbestê didî îlan kirin’ zêdetir
ceza û tecrîdê li ser wî ferz dikin.
Li hemû aliyên Kurdistanê operasyon
têne meşandin û li hember gerîlayên
me yên di pozîsyona agirbestê de
îmhayeke mezin tê meşandin. Li
Dersim, Çewlîk, Amed, Botan û hemû
derdorên Kurdistanê pevçûn çêdibin û
wundakirinên mezin pêktên û arteşa
tirk wundakirinên xwe yên mezin ji
raya giştî vedişêre."
Herî dawî li Dersim-Çewlîkê pevçûn
pêkhatin. Di van pevçûnan de
fermandarê gerîla yê hêja Şiyar jî
di nav de 6 hevalên me şehîd bûne. Û
2 hevalên me jî dîlgirtî bûne û xofa
me heye ku ev 2 gerîla jî hatibin
qetilkirin. Wekî din li Botan jî,
gerîlayên me şehîd bûne."
Beriya hertiştî divê bê zanîn ku,
dema pêvajoyê agirbestê hate
sabotekirin, bila tu kes li benda
şerê gerîlaya yê heta niha bi
kontrol hatiye meşandin nemîne. Ji
niha şunde an dê pêjajoya agirbestê
bê mayîndekirin û rê li ber
çareseriyeke demokratîk vebe an jî
gelê kurd bi tevahî dê hêviyên xwe
ji Tirkiyeyê bibire û nêzîktêdayînên
cudaxwaz dê bilind bibin. Lewma tu
riyên din li ber gelê me namînin.
Mîmarê bi hev re bûna gelê kurd û
tirk Abdullah Ocalan e û êrişên li
hember wî tên wateya sabokirina
pêvajoyê agirbestê. Em ji derdorên
hez ji Tirkiyeyê dikin, alîgirên
yekîtiyê û hemû derdorên demokrat û
welatparêz re dibêjin ku, li hember
têgaha agir dizêrînin rawestin.
Tişta ew dixwazin xerakirina me ya
agirbestê ye. Agirbest xera nabe,
tişta çêbibe ji hev qetiyan e.
Serokê konseya rêveberiya KKK
Murat
Karayılan
25 Mijdar 2006
|
