ZIMAN Û ÇALAKIYA RASTIYÊ

Abdulah Ocalan

NAVEROK

Têbîniya weşanxaneyê

Gotina yekem

Azadî di zaroktiyê dest pê dike

Serhildana yekem

Amed

Artêşa bi yek kesî

Şerê hestan

Tevgera lêdana mezin

Xiyanet têk diçe

Mem û zîn

Şahmeran

Bi qandî ez bi ser dikevim gel bi serdikeve

Giyana miriyan

Li dûv bêmiriniyê

Çavê mezin

Paşgotin

“ min wêneyek çêkir

       Min xwast her lê were mêzandin

                   Ez bûm dengek

                               Min xwast her were bihîstin

                                          Ji welatê xwe re

                                                       Ji cîhanê re

                                                      Ji gerdûnê re”

Pêşgotin

 “Ziman û Çalakiya Rastiyê” bi armanca ku Serokê Giştî yê PKK’ê Abdulah Ocalan bi zimanê xwe, xwe îfade bike hate amadekirin. Li hember pênaseya gelek mirovan weke encama pêwîstiya pênaseya bi zimanê xwe ev xebat derkete holê.

Ji bo Abdulah Ocalan, gelo mirov dikare bibêje, kesayeta ku ji bo guhertina rastiya ziwa ya dîrokê û ji nû ve zîndîkirina wê, hebûna xwe derxistiye holê û ew herikîna ku ji aliyê hêzên mezin ve hatiye diyarkirin guhertiye? Yan jî, ew li dij sîstemeke xwedî bingeheke dîrokî ya bihêz milîtaneke ku xwe bi şêwazeke zirav di kesayeta PKK’ê de pêk aniye? yan jî lihevhatina çalakiya hebûna bihêz a takekesekî bi rewşa hebûna dîrokê ve ye? Di sedsala em tê de û li erdnîgariya em lê dijîn ew, reberekî xwedî afirandina têkîliya di navbeyna takekes û dîrokê de ye? Ev pêşniyariyên wisa dikarin werin zêdekirin û dema ev yek were kirin jî dê eşkere diyar bibe ku em bi takekesekî cewaz û awarte re rû bi rû ne. Tu pênaseyên felsefîk an jî darezîneke teorîk bi serê xwe xwedî wê wergiriyê nîne ku Abdulah Ocalan hilde nava xwe.

Danezana Jinûve Avakirina PKKê

Bi Şîara “Me bi PKK destpêkir, bi PKK em bi ser dikevin” Jinûve Partîbûnê Bijîn!

Em Konfederalîzma Demokratîk Ava Bikin!

Bi xebatên Serokatiya me yên felsefî, teorîk, îdeolojîk, polîtîk û rêxistinî ya ev heft sal in di bin rewşên herî xerab ya dîlîtîyê de ku bi awayeke gelek hesas ji bo jinûve avakirina PKKê dihate kirin, bi Kongreya Jinûve Avakirina PKKê ku di navbera 28 ê Adarê ta 4ê Nîsanê de pêk hat, gihîşt merhaleyeke nû. PKK, di herî dema aloz ya dîrokê de bi avêtina vê gavê re, bi xeta berxwedana mirovahiyê ya demokratîk-komunal ve gihîşt hev, li welatê me û li herêma me serdemeke nû daye destpêkirin û sedsala 21 an pêşwazî kirinê bi biryar e.

Rewşa Cîhanê

Sedsala 21 an, demeke ku demokrasî û azadî serkeftine û Mafên Mirovan bûne nirxa herî bingehîn ya pêşdikeve ye. Şoreşa zanistî-teknîk ya dawiya sedsala 21 an, bi awayeke gelek lez berfireh bû, ew ne tenê derfetên zêdebûna hilberînê pêş xist, di heman demê de bingeha maddî ya azadî û demokrasiyê jî gihand radeya herî gihîştî. Dem, tekoşînên azadî û demokrasiyê yên berfireh bûn û heta roja me hatin, kire weke bi gihîştina cobarên ku her dem diherikin û dibin çemeke bi çoş ya nayê asteng kirin.