Komploya Navneteweyî Bi Destê Partiya Îxanetkar AKPê Tê Domandin

          Dîroka mirovahiyê de du paradîgma û bi vê re girêdayî du pergal hatine jiyîn. A yekemîn civaka xwezayî ye ku di temenê mirovahiyê de % 98 cîh digre. A duyemîn jî pergala hiyerarşîk û dewletparêze ku dîrokê de pênc-şeş hezar salên dawî digre nava xwe. Civaka yekemîn ango civaka xwezayî, ser nirxên demokratîk û komînal pêş dikeve. Di vê civakê de wekhevî, azadî, hevdû temamkirin, ji bo hevdû jiyan kirin, herkes û her tişt zindî dîtin bingehê jiyanê ava dike. Di vê jiyanê de desthilatdarî, dagirkerî, serdestî û bindestî, binirx û bênirx bûyîn, nayê dîtin. Ji bo ku ev civak, civakeke di nava xwezayê de nû derketiye, pêkhatina wê de neasayîbûnek nehatiye jiyîn, ev civak cewherê mirov bûyînê û civaki bûyînê dide nîşandan. Ev civak bi nirxên xweyê demokratîk û komînal piştî civaka hiyerarşîk û dewletparêz pêş ket jî heya îro xwe da domandin. Yên dijî pergala desthilatdar ji bo azadî, wekhevî û demokrasiyê tekoşîn kirine hemû di nav vê eniyê de cîhê xwe digre. Wek etnîsîte, tevgerên pêyxemberan, tekoşînên çînên bindest, tekoşînên gel û ya jinê lidij pergala desthilatdar meşandî di nava vê qadê de cîhê xwe digre.  

          Pergala duyemîn yanî civaka hiyerarşîk û dewletparêz dîroka mirovahiyê de dîroka nexwaşiyê ye, dîroka ji rê derketinê ye. Ev pergal encama ji diyalektîka civakê dûrketine. Ev civak, civakeke ne asayîl û xwezayî ye. Civakeke bi destê desthilatdarî, dagirkerî û serdestiyê hatiye çêkirin e. Yanî ev pergal ji bo xwe bidomîıne, xwe bihêz bike mirov û civakeke nû, lêbelê ji mirov û civaka cewherî dûrketî diafirîne. Ev pergala desthilatdar ji bo ku desthilatdariya xwe rewa bike, di têkîliyên navbera mirov û xwezayê de, navbera mirovan de, navbera zayendan de parçe bûyînê dide avakirin û milekî dike desthilatdar, milekî jî dike bindest. Hin kesan dike dewlemend, mezin, bihêz, derdixe qada xwedê, hin kesan jî dike bin erdê, feqîr, bêhêz, piçûk dike.  Ji bo wê jî ev pergal û zêhniyeta wê ya desthilatdar çavkaniya hemû pirsgirêkên civakî, çandî, aborî, ekolojîk e. Ev pergal nûneriya xwe a herî baş di dewletê de dide nîşandan. Ji bo wê yekê jî dîrok dibe dika tekoşînê kû di navbera nirxên civaka xwezayî û civaka dewletparêz de pêş dikeve ye. Bi zanebûn û bêzanebûn herkes di nav vê tekoşînê de cihê xwe digre. Ji bo wê jî ya kû mirovan de tê ziman tekoşîna navbera civaka xwezayî û pergala dewletparêz e.

          Tê zanîn Rêber APO, bi komployeke navneteweyî û bitevlîbûna sîhî zêdetir dewletan, neh sal berê hate girtin û radestî dewleta Tirkiyê hat kirin. pegala desthilatdar wê zanebûnêde bû ku wek pergalekî hev civiya û bû yek. Dewletan nûneriya dîroka desthilatdariyê hemû kirin.  Îro jî di bin şertên herî dûrî mirovahiyê û dijwar de tê girtin û di dawîde jî hate jahrkirin. Roj bi roj hewl tê dayîn ku were tasfiyekirin, ji holê were rakirin. Rêber APO ne tenê ji bo gelê Kurd ji bo hemû mirovahiyê tê wateya sererastkirina dîrokê, bidestxistina azadî, wekhevî û demokrasiyê. Rêber APO bi bîrdoziya xwe, têgîhîştina xwe û piratîze bûyîna xwe li dijî pergala hiyerarşîk û dewletparêz bû alternatîfek. pergalên desthilatdar her tim nirx û jiyana PKK’ê ji bo xwe xeternak dîtin û her tim hewl dan ku bi vê jiyan û bi van nirxên pîroz bilîz in. Hewl dan PKK’ê di nav xwe de bihelînin. Ji bo ku di PKK’ê de xeta Rêber APO a serbixwe û gelêrî esas bû ev xwasteka desthilatdar an pêk nehat. PKK ne bû parçeyeke vê pergala metînger û PKK jiyana vê pergalê nepejirand, neket xîzmeta pergalê. Ji aliyê pergala desthilatdar de berpirsiyar jî Rêber APO hate îlan kirin. Ji bo vê jî tolhildana vî tiştî bi tasfiyekirina Rêber APO dixwazin bidest bixin.

          Ji bo vê yekê pêwîste tiştên di Rêber APO de têne temsîlkirin baş were zanîn û ên Rêber APO wek dijmin îlan dikin baş werin naskirin. Tekoşîn di navbera du pergalan de ye. Nûneriya nirxên mirov an dike mirov Rêber APO dike, nûneriya mirovan ji mirovbûyînê derdixîne jî hemû dewlet dikin. Ev dewlet jî hêza xwe dikin yek û di şexsê Rêber APO û gele Kurd de dixwazin hêviya azadiyê, wekheviyê tine bikin. Her çi qas di navbera dewletan de –ji bo ku cîhana berjewendiyan de dijîn- hinek nakokî hebin jî wexta pirsgirêk dibe pirsgirêken pergalî dibin yek.  Ev rola qirêj jî îro dane AKPê. Ev rol ne tenê ji aliyê dewleta Tirk ve, ji aliyê hêzên navneteweyî ve jî hatiye dayîn.

           AKP bi destên DYE (Dewletên Yekbûyî Emerîkî) hate damezrandin. Tê zanîn Tayîp Erdogan beriya AKP were damezrandin, demeke dirêj DYE’yê ma û destûr û piştgirî ji hêzên navneteweyî girt. DYE dema sosyalîzma pêkhatî de bi “kembera kesk” di nav dewletên Îslamî piştgirî da Îslamiyeta hişk û xwest sosyalîzma pêkhatî sînor bike. Piştî sosyalîzma pêkhatî hilweşiya, pêwîstî bi ev hêzên Îslamî û hişk nema. Car car jî ev hêzên Îslamî yên radîkal wek talûke hatin dîtin û hewl dan ku van jî tasfiye bikin.

           Pêşengtiya pergala kapîtalîst DYE dike û dixwaze di hemû cîhanê de hêzên muxalif tasfiye bike û astengiyên pêşiya sermaye yê ji holê rabike. Di cîhanê de lidij emperyalîzma kuresel  Rojhilat a Navîn xwedî potansiyeleke alternatîf e û serhildêr e. Rojhilat a Navîn xwedî nasnameyeke dîrokî, bixwe bawer e û mudaxaleyên li der ve tên kirin zû zû napejirîıne. Yên dixwazin di Rojhilat a Navîn de hin guhertinan pêş bixin,  rastiya Rojhilat a Navîn divê li berçav bigrin.  DYE hem ji bo astengiyên pêşiya sermaye yê rabike him jî ji bo vê potansiyelê ji holê rabike mudaxale li Rojhilat a Navîn kir. Ev mudaxale bi komploya li dijî Rêber APO hat pêşxistin destpêkir, di Afganîstan û İraqê de berdevam kir, ev jî biç awayek cûrbecûr l, hemberî heremê tê pêşxistin. DYE vê mudaxaleyê de dixwaze dewsa Îslam a radîkal bi Îslam a nerm bikeve heremê.  

          DYE, Tirkiyê ji bo Rojhilat a Navîn wek mînakekî digre dest. Tirkiyê wek dewleteke Îslamiya nerm binav dike. Dixwaze bide xuyakirin ku hem dewleteke Îslamî hem jî demokratîk, gengaz e ku di heman demê de nirxên Rojavayî ji xwe re esas digre. Di vê xalê de AKP’ê wek Hespê Trûva bikartîne. Îro AKP bi navê mislimantiyê, ji bo berjewendiyên DYE pêk were dixebite. AKP bi navê Îslamê piştgirî dide ew dewleta ku ji bo berjewendiyên xweyî bêmaf bi sed hezaran mirov kuşt, di êşkencexaneyan de bi rûmeta deh hezaran mirov an lîst. Eşkereye ku ev mirovên birûmeta wan hat lîstin, di hate wateya Rojhilat a Navîn. Yanî bi piştgiriyên herêmiyan herêm hate binpêkirin, perçiqandin. Ser vî hîmî eşkere ye kû AKP partiyeke îxanet li Rojhilat a Navîn kiriye û nokerê emperyalîzmêy e.

          Bi projeya DYE’ê ve girêdayî bi navê AKPê pir welatên Rojhilat a Navîn de partiyên nû tên damezrandin. DYE dixwaze li tevahiya Rojhilat a Navîn de bi îslama nerm bikeve van welatan û dagir bike. Wexta ev pêk were wê di Rojhilat a Navîn de desthilatdariya emperyalîzmê bi her awayî wê serdest bibe.

          DYE’ê di vê projeya xwe ya dorfireh de li Tirkiyê de serkeftinek bidest xist. Bi desteka xwe AKP kire partiya yekemîn, serokkomartî, serokatiya parlamenê jî nav de pir qadan de dewlet bidest xist. Bi destê AKPê rejîma Kemalîst tasfiye kir, demeke nû da destpêkirin. Ji bo vê yekê jî AKP ne tenê ji bo Kurdan ji bo komarê bi xwe jî tehlukeyeke pir mezin e.

          AKP ji bo amûrê mudaxaleya dewletên heremê û Tirkiyê ye, navbera dewleta Tirk û AKP’ê de hin nakokî hatin jiyan kirin û tê jiyan kirin jî. Îslamiya siyasî her tim xwastiye bibe hevparê dewletê, îxtidarê. Dewleta Tirk jî her tim hewl daye kû talûkeya Îslamî nejî, wexta pêwîst bûye jî bi tûndî çûye ser û çewisandiye. Lêbelê îcar rewş cûdaye û pişt îslama siyasî de desteka hêzên navneteweyî heye. Wek me dabû diyarkirin jî komara di Tirk de bûn hêzeke sereke. Ji bo wê jî dewleta Tirk neçar ma bi AKP’ê re di hin xalan  de lihevkirinekî bike. Ev xal jî pirsgirêka Kurd e. Pêwîste were zanîn ku dijmin îlankirina Kurd an bi hêzên navneteweyî jî ve girêdayi ye.

          Dewleta Tirk Kurdîstanê de bi tekoşîna PKK’ê polîtîkaya îmha û înkarê de îflas kir. Dagirkeriya Tirk bi destê partiyên dinêdî Kurdîstanê de nikarî xwe bide berdewamkirin. Ji bo rûyê wî yî qirêj bi her awayî derketi bû holê xêncî darê zorê tu rê jê re nema bû. Bi amûrên zorê jî heya îro encamekî berçav bidest nexistî bû.  AKPê xwe gîhande hawara dewleta Tirk û bû partiya dewletê ya Kurdîstanê de.

          Pêwîste mirov nakokiyên navbera AKP û yê xwe xwediyê dewletê dibînin de têne jiyan kirin nexape. AKP îro partiya dagirkeriyê ye. Rûyê dewleta şerxwaz, xwinrêj, mijok û zalim AKP ye. Pirsgirêka Kurd de AKP dewlet e. Dewlet bi destê AKP’ê dixwaze Kurdîstanê nûda fetih bike. AKP çawa ji bo Rojhilat a Navîn rola meşrûkirina sîstema dagirker dilîze, Kurdîstanê de jî heman rolî dilîze. Gelê meyî xwedî bawerî, misliman ji aliyê AKPê ve tê îstîsmarkirin. AKP dîn û baweriya gelê me ji bo berjewendiyên xwe bikartîne. Ji bo xwe bi dewletê zêdetir bide qebûlkirin û dewletê de zêdetir cîh bigre gelê Kurd dike qurban. Evî jî hin Kurdên teslîm bûyî digre nav xwe û wan jî ji bo rûyê xwe yî xayîn û girêj veşêre bikartîne.  Ji bo vê jî AKP heman demê de hemberî mislimantiyê, baweriyê û Kurdîtî yê jî nava îxanetê de ye. Başe, wê demê  çima hevqas îxanet? AKP partiyeke çîna navîn e. Taybetmendiyên çîna navîn de prensîp, pîvan , nirx nîne.  Soza wî  ne soz e, gotina wî ne gotin e, kiryarê wî ne kiryar e, ji bo berjewendiyên xwe dest her tiştî dikare berde, her tiştî dikare bike mijara firotinê. AKP îro exlaq jî, dîn jî, rûmetê jî  difroşe. Ji bo wê yekê jî pêwîste gelê me vê rastiya AKPê bibîne û li dijî wê AKPê xwedî helwest be.

          Îro ew pêkanînên li dijî gelê Kurd têne meşandin di hemûyan de aktor AKP ye. Rêber APO dema AKP’ê de bi destê wan hate jahrkirin, îro tendurîstiya Rêber APO her diçe xirabtir dibe û pêşî lê neyê girtin, îmha bûyîn jênerev e. Îmha bûyîna Rêber APO jî eşkere ye kû îmha kirina gelê Kurd û hemû hêvî ya azadî, wekhevî û demokrasiyê ye. Piştî îmha kirineke wisa bila kes benda jiyaneke asayî nebe, ji bilî vê bila benda jiyanê nebe. Gelê me pêwîste bi vê zanebûnê nêzîk bibe û helwesta xwe ya herî tûnd bi çalakiyên meşrû, ne huquqî  bide xuya kirin. Bi çalakî û xwedî derketina xwe van pêkanînên qirêj vala derbixe, serî de tendurîstiya Rêber APO hilde garantiyê. Pişt re jî azadiya Rêber APO bi dest bixe.

                                                                                                                                                                                                Xebat Andok